နံ့သာဖြူစိုက်ပျိုးနည်း

နံ့သာဖြူစိုက်ပျိုးနည်း (ထွန်းမြနန္ဒာမှကူယူဖော်ပြသည်)

 

- ငွေလိုရင် ထီမထိုးနဲ့ နံ့သာဖြူပင် စိုက်ပျိုးပါဆိုတဲ့ အကြံပြုချက်လေးနဲ့ ပတ်သက်ပြီး ပြောပြပေးပါ။

လူအများကို နံ့သာဖြူ စိုက်ပျိုးစေ ချင်တာပါ။ ၁၉၆၉ ခုနှစ်မှာ ကျောက်ပန်း တောင်းမြို့နယ်၊ မြေကျေးရှင်း စိုက်ပျိုးရေး ဌာနမှာ အလုပ်စ၀င်တယ်။ ၁၉၅၆ ခုနှစ်ကတည်းက ပုပ္ပါးတောင်မှာ စစိုက် ထားတယ်။ မြေကျေးရှင်းကနေ တာဝန်ယူပြီး စိုက်ထားတာပါ။ အိန္ဒိယကနေ ရလာတဲ့ နံ့သာဖြူပင် ပျိုးပင် ၁၉၆ ပင်ကို နှာရောင် ဥယျာဉ်ခြံမှာ စိုက်ခဲ့ပါတယ်။ ၁၉၇၈ ခုနှစ်မှာ နိုင်ငံတော်မှာ စိုက်ပျိုးရေးနဲ့ ပတ်သတ်တဲ့ အကြံပေး အရာရှိ ဦးစုက နံ့သာဖြူပျိုး ပင်ကို စမ်းပြီးစိုက်တယ်။ ဦးတို့လုပ်ခဲ့တဲ့ ၁၀ နှစ်၊ ၁၅ နှစ်လောက်ရှိတဲ့ နံ့သာဖြူက ၁၀ပိဿာ၊ ၁၅ ပိဿာလောက် ထွက်တာ တွေ့ရတယ်။ နံ့သာဖြူ တစ်ပိဿာရဲ့ ကာလ တန်ဖိုးက သုံးသိန်းလောက်ရှိတယ်။ နံ့သာဖြူပင်က အပင်ငယ်ငယ်နဲ့တော့ ထုတ်လို့မရဘူး။ အနည်းဆုံး ရှစ်နှစ်လောက်တော့ စောင့်ရတာပေါ့။ ရှစ်နှစ်မှာ တစ်ပိဿာထွက်မယ်ဆိုရင် ကိုးနှစ်မှာ နှစ်ပိဿာ၊ သုံးပိဿာ ဆိုတော့ သူက နှစ်ကြာလာလေလေ နံ့သာဖြူအနှစ် များလာပြီး တန်ဖိုးများ လာလေလေပေါ့။ သူက နှစ်ကြာလေလေ တန်ဖိုးက တက်လာလေဆိုတော့ သူက ချက်ချင်းတော့ ၀င်ငွေမရပေမယ့် ရဖို့ကတော့ သေချာတယ်။ ကာလ သတ်မှတ်ချက် တစ်ခု ရှစ်နှစ် ကိုးနှစ်လောက် စောင့်ထားမယ်ဆိုရင် ၀င်ငွေရဖို့ သေချာတယ်။

နံ့သာဖြူရဲ့ ဈေးကွက်က ဘယ်နေရာတွေမှာ ဖြစ်ထွန်းလဲ။  

မြန်မာပြည်မှာတော့ ဘယဆေးဆိုင် တွေမှာ ရောင်းတယ်။ အလေးချိန်နဲ့ ရောင်းတာ။ သူက တန်ဖိုးကြီးတဲ့ အခါကျတော့ အများကြီး မ၀ယ်နိုင်ဘူး။ တစ်ခါဝယ်ရင် ၁၀ သား၊ ၁၅ ကျပ်သားလောက် ၀ယ်ကြတယ်။ ဒီလောက် ၀ယ်ရင်တောင် သူက တော်တော် အသုံးခံ တဲ့ပစ္စည်း။ အိန္ဒိယ၊ ဂျပန်၊ သြစတြေးလျ၊ အရှေ့အလယ်ပိုင်း နိုင်ငံတွေဖြစ်တဲ့ အာရပ်နိုင်ငံတွေမှာ ရေမွှေးမှာ အခြေခံ ပစ္စည်းအဖြစ် သုံးကြတယ်။ သြစတြေးလျမှာဆိုရင် နိုင်ငံခြား ၀င်ငွေရတဲ့ သီးနှံတစ်ခုအဖြစ် ထုတ်လုပ်နေတယ်။ သြစတြေးလျမှာ တရားဝင် အစိုးရဈေးက နံ့သာဖြူ တစ်တန်ကို သြစတြေးလျ ဒေါ်လာ ၁၅,၀၀၀ ရှိတယ်။ မှောင်ခိုဈေး မှာဆို တစ်တန်ကို ဒေါ်လာ နှစ်သန်းခွဲ တန်တယ်။ မြန်မာပြည် အနေနဲ့လည်း ဈေးကွက် ရှိပါတယ်။ အဓိက ထွက်ဖို့ပဲ လိုတာ။ ထွက်ဖို့ကလည်း စိုက်ဖို့လိုတယ်။ နံ့သာဖြူက အိန္ဒိယ နံ့သာဖြူနဲ့ သြစတြေးလျ နံ့သာဖြူဆိုပြီး နှစ်မျိုးရှိတယ်။ အကောင်းဆုံးကတော့ အိန္ဒိယ နံ့သာဖြူပဲ။ ဒီမှာကတော့ အဆီ တစ်အောင်စကို ငွေကျပ် ၁၅,၀၀၀၊ ၂၀,၀၀၀ ရှိတယ်။

နံ့သာဖြူကို ဘယ်နေရာတွေမှာ အသုံးပြုလို့ ရပါသလဲ။ 

နံ့သာဖြူတို့၊ ကရမက် တို့ဆိုတာ မြန်မာ အမျိုးသမီးတွေ အတွက်တော့ နေ့စဉ် လိမ်းသင့်တဲ့ ပစ္စည်း။ နံ့သာဖြူလိမ်းရင် အပူငြိမ်းတယ်။ သူ့ကိုလိမ်းရင် စိတ်ရွှင်လန်း သွားတယ်။ ပေါ့ပါ့ပါးပါး ဖြစ်သွားတယ်။ နောက်တစ်ခုက ဖျားတယ်၊ နာတယ် အပူများမယ်ဆိုရင် နံ့သာဖြူ လိမ်းရင် အပူကျ သွားမယ်။ ကလေးတွေ ဒတ်တွေ၊ ၀ဲတွေပေါက်ရင် နံ့သာဖြူသွေးပြီး လိမ်းပေးရင် ပျောက်တယ်။ တစ်ကမ္ဘာလုံး အတိုင်းအတာ အရကတော့ အလှကုန် ပစ္စည်းတွေမှာ သုံးတယ်။ အဓိက ကတော့ ရေမွှေးတို့၊ အလှ ကုန်ပစ္စည်းတို့ ထုတ်တဲ့အခါမှာ အခြေခံ ပစ္စည်းပေါ့။နံ့သာဖြူ အဆီပဲဖြစ်ဖြစ်၊ အနှစ်ပဲဖြစ်ဖြစ် ဘယ်လောက်ကြာကြာ အနံ့က ပြယ်မသွားဘူး။ သူ့ရဲ့ အဆီနည်းနည်းလေး ထည့်လိုက်တာနဲ့ အနံ့က လွှမ်းသွားတယ်။ သြစတြေးလျ နံ့သာဖြူကတော့ ကျန်းမာရေးနဲ့ ပတ်သက်တဲ့ နံ့သာ ကုထုံးတွေမှာ သုံးတယ်။
   

ဘယ်လို မြေအမျိုးအစားတွေမှာ စိုက်ပျိုးတာ သင့်တော်ပါသလဲ။

ဒီအပင်က သစ်တောပင် ဖြစ်တဲ့အတွက် မြေသိပ်မရွေးဘူး။ မြေညံ့တဲ့ နေရာဆို အနှစ်ပို ကျစ်လစ်တယ်။ မြေကောင်းတဲ့ နေရာဆို ဖြစ်ထွန်းတာ မြန်တယ်၊ နည်းနည်းပွတယ်။ အဓိက ကတော့ စိမ့်စွဲနေတဲ့ နေရာမျိုး၊ ဆပ်ပြာပေါက်တဲ့ နေရာမျိုး ကလွဲရင် ဖြစ်ထွန်းတယ်။ ကျောက်တောင် ကျောက်ကြားတွေ၊ တောင်ကုန်းတွေ ၊ ကျောက်စရစ်မြေ တွေမှာလည်း ဖြစ်တယ်။ အဖြစ်နှေးတဲ့ အတွက် စိတ်ရှည်အောင် စောင့်ရပေမယ့် ရှစ်နှစ် နောက်ပိုင်းဆို ထွက်မှာ သေချာတယ်။ ရှစ်နှစ်လောက် ကတည်းက တစ်ပင်ကို သုံးသိန်းလောက် တွက်လို့ရ တဲ့အတွက် ထီထိုးတာထက် သေချာတယ်။ ၁၀ နှစ်၊ ၁၂ နှစ် သားဆို သုံးပိဿာ၊ သုံးပိဿာခွဲ လောက်ကနေ လေးပိဿာ၊ ငါးပိဿာ လောက် ထွက်နိုင်တယ်။

နံ့သာဖြူကို ဘယ်လိုမျိုး ပြုစုစိုက်ပျိုး ရပါသလဲ။

စိုက်ဖို့က ကိုယ့်ခြံစည်းရိုး ပတ်လည်မှာ စိုက်လည်းရတယ်။ စီးပွားဖြစ် စိုက်လည်း ရတယ်။ ကိုယ့်သားသမီးကို အကောင်းဆုံး အမွေပေးချင်တယ်ဆိုရင် သူသုံးနှစ်သားလောက်ကတည်းက စိုက် ထားရင် ၁၀နှစ်၊ ၁၂ နှစ် ရှိတဲ့အခါ ကျရင် သူ့အတွက် စရိတ်မလို ဘူးပေါ့။ ခက်ခဲတာ တစ်ခုက အပင်က နုတဲ့အတွက် ပထမ တစ်နှစ်မှာ ဂရုစိုက်ပေး ဖို့လိုတယ်။ ဂရုစိုက်ရတယ် ဆိုတာက မှိုသတ်ဆေး၊ ပိုးသတ်ဆေး ဖျန်းတာတို့ ပေါင်းရှင်းတာ တို့ပေါ့။ တစ်ပေခွဲ၊ နှစ်ပေ မြင့်သွားပြီ ဆိုရင်တော့ ဂရုစိုက်စရာ မ လိုတော့ ဘူးပေါ့။ သာမန် ထိန်းသိမ်းရုံနဲ့ ၀င်ငွေရတယ်ပေါ့။ တစ်နှစ်လောက် ပြုစုရတယ် ဆိုတာက အပင်ကငယ်တော့ အရွက် ကနုတယ်။ မှိုရောဂါ ကျတတ်တယ်။ မှိုဆေးကို တစ်လ တစ်ကြိမ် ဖျန်းပေး ရတယ်။ ပေါင်းမြက်ရှင်း ပေးရတယ်။ အဓိက က တော့ ဒီအပင်ကို သတ်မယ့် နွယ်ပင်ကြီးတွေ မရှိဖို့ လိုတယ်။ တစ်နှစ်ကြာပြီး တစ်ပေခွဲ၊ နှစ်ပေခွဲမြင့် လာတဲ့အခါ၊ အရွက်က ကြီးရင့် လာတဲ့အခါမှာ သူတို့ ခံနိုင်ရည် ရှိလာမယ်။ နောက်ပိုင်းကျရင် တစ်လတစ်ကြိမ် လောက်ပဲ ပုံမှန်ပေါင်းရှင်း တာလုပ်ပေးရင် ရတယ်။
မျိုးစေ့ကိုလည်း စိုက်လို့ရတယ်။ ပျိုးပင်ကိုလည်း စိုက်လို့ရတယ်။ နံ့သာဖြူစေ့က မာတော့ အစေ့ကို ရေနှစ်ရက်လောက် စိမ်ရတယ်။ စိမ်ပြီးတော့မှ ပျိုးဘူး ထဲမှာလည်း တိုက်ရိုက် စိုက်လို့ ရတယ်။ ပျိုးဘောင်ထဲမှာ ပျိုးပြီးမှ စိုက်လည်းရတယ်။ မျိုးစေ့ကနေ အပင်ပေါက်ဖို့က နှစ်လကနေ သုံးလထိ အောင် ကြာတတ်တယ်။ အဲဒီလို ကြာတတ် တဲ့အတွက် ပျိုးဘူးထဲ မှာကျတော့ အပင်ပေါက်ရ ခက်တယ်။ အဲဒီတော့ ပျိုးဘောင်မှာထောင်ပြီး အပင်ပေါက်တော့မှ ရွှေ့စိုက်ရတယ်။ နံ့သာဖြူက ကပ်ပါးပင်၊ အခြား အပင်ကို မှီခိုပြီးမှ စားသောက်လို့ရတဲ့ အပင်မျိုးပေါ့။ အခြားအပင်ရဲ့ အမြစ်ကို မှီခိုပြီး စားသောက်တယ်။ သူနဲ့ယှဉ်တွဲပြီး အခြားအပင်ကို စိုက်ရတဲ့အခါကျတော့ နံ့သာဖြူ ပျိုးပင် ရှစ်လက်မလောက် ရှိတဲ့အခါကျမှ အခြား မယ်ဇလီတို့၊ ဘောစကိုင်းတို့ ထည့်ပေးရတယ်။ ပျိုးပင်လေး ရှစ်လက်မလောက် ရှိမှ ထည့်ခိုင်းလဲ ဆိုတော့ သူ့ရဲ့ ကပ်ပါးပင်က သူ့ထက် ကြီးသွားလို့ မရဘူး။ ဒါကြောင့်မို့ နံ့သာဖြူပင်လေး ကြီးသွားမှ မယ်ဇလီစေ့ကို ထည့်လို့ရမယ်။

နံ့သာဖြူပင်ကို ဘယ်လိုကပ်ပါးပင် အမျိုးအစား တွေနဲ့တွဲပြီး စိုက်ပျိုးသင့် ပါသလဲ။

နံ့သာဖြူနဲ့ ယှဉ်တွဲပြီး စိုက်လို့ရတဲ့ ကပ်ပါးပင် အမျိုးပေါင်း ၃၀၀ ကျော်လောက်ရှိ ပါတယ်။ မယ်ဇလီ ပင်ကတော့ အသင့်တော်ဆုံးလို့ ပြောပါတယ်။ ရှားတို့၊ ထနောင်းတို့၊ ဘောစကိုင်းတို့လည်း တွဲစိုက်ကြ ပါတယ်။ အမျိုးပေါင်း ကတော့ တော်တော်များ ပါတယ်။ မြန်မာနိုင်ငံရဲ့ ဘယ်ဒေသတွေမှာ နံ့သာဖြူ အဓိက စိုက်ပျိုး ပါသလဲ။ အစကတော့ တို့က ပုပ္ပါးမှာ စိုက်တာ နှာရောင် နံ့သာဖြူ စန္ဒာကူးတော ဆိုပြီး စိုက်ထားတာ။ မင်းဘူး ဘက်မှာတော့ စီးပွားဖြစ် စိုက်ကြပါတယ်။ ဦးတို့ကို ဒါကိုစိုက်ထား ရုံပေါ့၊ တစ်နှစ်လောက်ပဲ ပြုစုပြီး နောက်ပိုင်း ပစ်ထားလို့ ရလို့ စိုက်ဖို့တိုက်တွန်းတာပါ။

နံ့သာဖြူက အတု၊ အစစ်ရှိလား။ အရည်အသွေးကောင်း၊ မကောင်း ဘယ်လိုကြည့်ရမလဲ။ 

နံ့သာဖြူမှာ အတု၊ အစစ်ရှိတယ်။ နံ့သာဖြူအဆီက တစ်ပေါင်ကို အကြမ်းဖျင်း ဈေး ဒေါ်လာ တစ်ထောင် ရှိတယ်။ နံ့သာဖြူရဲ့ အဆီနဲ့ မာလကာသားကို ပေါင်းလိုက်တယ်။ အနံ့ကစွဲသွားတယ်။ ချက်ချင်းတော့ သူက နံ့သာဖြူ အနံ့ပဲ။ ခဏနေ ကြည့်တဲ့အခါ ကျတော့ အနံ့ပြယ် သွားတယ်။ နံ့သာဖြူ အနှစ်က သေးပေမယ့် သိပ်သည်း ကျစ်လစ်တယ်။ လေးတယ်။ ရေထဲမှာ ပေါ်မနေဘဲ နစ်သွားတယ်။ အသားက အ၀ါရောင် သန်းတယ်။ သူက အရင်းက ပိုရင့်တယ်။ အဖျားပိုင်းက အနှစ်က လျော့သွား တာပေါ့။ အပင်က ၁၅ ပေ လောက်ရှိရင် အနှစ်က အခြေကနေ ငါးပေ လောက်အထိရှိတယ်။ နံ့သာဖြူ အစစ်က ဘယ်တော့မှ အနံ့မပြယ်ဘူး။

နံ့သာဖြူ ပျိုးပင်နဲ့ မျိုးစေ့တွေက ရောင်းဈေး ဘယ်လောက်ရှိ ပါသလဲ။

မျိုးစေ့ကတော့ ကာလအချိန် အလိုက် တစ်ပြည်ကို ကျပ် ၁၀,၀၀၀ ကနေ ၅၀,၀၀၀ အထိရှိတယ်။ ပျိုးပင် အနိမ့်အမြင့် ကိုလိုက်ပြီး ပျိုးပင် တစ်ပင်ကို ကျပ် ၁,၅၀၀၊ ၂၀၀၀ ရှိတယ်။ မျိုးစေ့ထွက်တဲ့ အချိန်က ဇူလိုင်လ၊ သြဂုတ်လ၊ စက်တင်ဘာလ။ နံ့သာဖြူပင်က သုံးနှစ်သား၊ လေးနှစ်သားလောက်မှာ အသီးအပွင့် ပွင့်တယ်၊ သီးတယ်။

နံ့သာဖြူနဲ့ ပတ်သက်ပြီး ဘယ်လိုများ အကြံပြုချင်ပါသလဲ။

အဓိက ကတော့ စိုက်ဖို့ပြောချင်တယ်။ အချိန်တစ်ခုတော့ စောင့်ရမယ်။ စောင့်တယ် ဆိုတာ ကလည်း သေချာတဲ့ စောင့်နည်း မျိုးဖြစ်တယ်။ ဦးတို့ကလည်း အပင်ရဲ့သဘာဝကို သေချာလေ့လာ ပြီး ဖြစ်လို့ စိုက်ဖို့ တိုက်တွန်းတယ်။ အခက်ခဲရှိ ရင်လည်း ဦးတို့ဆီကနေ အကြံဉာဏ် တောင်းလို့ ရပါတယ်။

မြန်မာ့ဆေးဖက်ဝင် သင်္ဘောပင်

မြန်မာ့ဆေးဖက်ဝင် သင်္ဘောပင်(အခြားဆိုဒ်မှကူးယူဖော်ပြသည်)

by မြန်မာ့ဆေးဖက်ဝင်အပင်များOctober 4, 2013 at 5:14am

Item Name --------- Papaya; Papaw (သင်္ဘောပင်)
Category ------------ Raw Material
Botany Term ------- Carica papaya Linn
Species Family ---- Caricaceae

မြန်မာ နိုင်ငံ အနှံ့ အပြား တွင် ပေါက်ရောက် သည်။ စိုက်ပျိုးပင် ဖြစ်သည်။သဲမြေတွင် ၁/၄ လက်မခန့် မြှုပ်၍ အလင်းရောင် လုံလောက်အောင် ရသော ကွင်းပြင်တွင် ပျိုးထောင် ပါက ၁၅-၂၀ ရက် အတွင်း အပင် ပေါက်လာသည်။ အရွက် လေးရွက် ထွက်ပါက ပျိုးပင် ကလေး များအား ပလတ်စတစ်အိတ် သို့မဟုတ် ကျည်တောက် များတွင် ရွှေ့ပြောင်း ပျိုးယူရသည်။  ပျိုးပင်များ အရွက် ၈ ရွက်ခန့် ထွက်လာပါက ရွှေ့ပြောင်း စိုက်ပျိုး နိုင်သည်။ အကျယ် အနက် ၃ ပေ ခန့် တူး၍ မြေဆွေး မြေသြဇာ များထည့်ပြီး စိုက်ပျိုးရမည်။  အပင် ခြေရင်း၌ လိုအပ်သလို ပေါင်းရှင်း ပေးသင့်သည်။ စိုက်စတွင် ရေမှန်မှန် လောင်းပေး သင့်သည်။ အဖို တစ်ပင် ရှိက အမ ဆယ်ပင် အတွက် လုံလောက်သည်။ ရေမ၀င်ရန် ဂရုစိုက် ပေးရမည်။ အသီး စိပ်လွန်းလျှင် ကျဲအောင် ခြွေပေး သင့်သည်။ သို့မှသာ အလုံးကြီး၍ ချိုမည်။ အပင်ရှည် မျိုးမှာ ၁၀ လ မှ ၁၂ လခန့် ကြာသည်။ မပြတ် သီးသော်လည်း တန်ဆောင်မုန်း၊ နတ်တော်လ နှင့် တပေါင်း၊ တန်ခူး တို့တွင် အသီးထွက် ကောင်းသည်။ပင်လတ်မျိုး ဖြစ်သည်။ ပင်စည် အသားပွ၍ အဖြူရောင် အစေးများ ထွက်သည်။ ကြီးမားသော လက်ဝါး ရွက်ပေါင်း ဖြစ်၍ ရွက်လွှဲ ထွက်သည်။ ရွက်ညှာ အလွန်ရှည်၍ အလယ်ခေါင်း ပွသည်။ အပွင့်မှာ အဖိုပွင့်၊ အမပွင့် ဟူ၍ ရှိသည်။ အ၀ါနုရောင် ရှိသည်။ အသီးကြီးမား သည်။ အသီးခွံ ပြောင်ချောပြီး အတွင်းသား ထူသည်။ အဖြူရောင် အစေးများ ထွက်သည်။ အစေ့များစွာ ပါသည်။
  • အပင်
ပင်လတ်မျိုး ဖြစ်၏။ အမြင့်ပေ ၂၀ ခန့်ထိ မြင့်၏။ ပင်စည်မှ အဖြူရောင် အစေးများ ထွက်၏။ အဖိုပင် အမပင် နှင့် အဖို အမ နှစ်မျိုး ပါသော အပင် ဟူ၍ ရှိသည်။
• အရွက်
အရွက်များ အပင်၏ ထိပ်ဘက်တွင် စု၍ ရွက်လွှဲ ထွက်သည်။ အရွက် အလွန် ကြီးမားသည်။ လက်ဝါး ရွက်ပေါင်း ဖြစ်ပြီး ရွက်ပြား ချောသည်။ ရွက်နား ပတ်လည် အတွန့် အဟိုက် များ ရှိ၏။ ရွက်ညှာ အလွန် ရှည်၍ အလယ် ခေါင်းပွ ဖြစ်၏။
• အပွင့်
အဖိုပွင့် အမပွင့် ရှိသည်။ အ၀ါနုရောင် ဖြစ်သည်။ အမပွင့်သည် ပင်စည်နှင့် ရွက်ညှာ ကြားတွင် ကပ်၍ ပွင့်သည်။ အဖိုပွင့်သည် ပန်းခိုင်မှ ပွင့်ညှာတံ တွဲလောင်း ကျ၍ ပွင့်သည်။
• အသီး
အသီး ကြီးမားသည်။ အသီးခွံ ပြောင်ချောပြီး အတွင်းသား ထူသည်။ အဖြူရောင် အစေးများ ထွက်သည်။ အသီးတွင်း၌ အစေ့ များစွာ ပါရှိသည်။
► အသုံးဝင်ပုံ
အသီး၊ အစေ့၊ အစေး၊ အရွက်။
• အာနိသင်
မြန်မာ ဆေးကျမ်း များအလို အရ သင်္ဘောပင် မှအမြစ် သည်ချုပ်၏။ လေကို ပျက်စေ၏။ ပူ၏။ မီးယပ်ကို မှန်စေ၏။ သင်္ဘောသီးမှည့် သည်ချို၏။ ၀မ်းမီးတောက်၏။ ဆာလောင်ခြင်း ကိုဖြစ်စေ၏။ ကြေညက် လွယ်၏။ ဆီးရွှင်၏။ သလိပ်ကို ပွားစေ၏။ နှလုံးကို အကျိုး ပြု၏။ သွေးကို စင်ကြယ်စေ၍ သည်းခြေကို ငြိမ်းစေ၏။ ဆီးရောဂါ နှင့် ကျောက်တည် ရောဂါ များကို ပယ်ဖျောက် တတ်၏။
► အသီးအသုံးပြုပုံ
၁။ သင်္ဘောသီး ၌လူကို ကျန်းမာ စေကာ အသက် ရှည်၍ ရောဂါ ကင်းဝေး စေနိုင်သော သတ္တိထူး ရှိ၏။ သင်္ဘောသီး စိမ်းအရည်တွင် သကြားရော၍ တစ်နေ့ ၃ ကြိမ်မျှ သောက်က သရက်ရွက် ကြီးခြင်း ပျောက်၏။
၂။ သင်္ဘောသီး အမှည့် စားသော် သရက်ရွက် ကြီးခြင်း၊ အသည်း ကြီးခြင်းနှင့် မြင်းသရိုက် ရောဂါ ပျောက်၏။
၃။ သင်္ဘောသီး ၀မ်းပျဉ်းကို ဟင်းချက် စားခြင်း၊ သနပ် လုပ်စားခြင်းဖြင့် ဆီးဝမ်းကို ရွှင်စေသည်။
၎။ သင်္ဘောသီး နုနုကို အခြောက်လှန်း အမှုန့်ပြုပြီး အနည်းငယ်မျှ စားသော် အဆက်မပြတ် သွားသော ၀မ်းပျက် ရောဂါ ပျောက်၏။
၅။ သင်္ဘောသီး စိမ်းကို လှီးဖြတ်၍ ထွက်လာသော အရည်ကို ကင်းကိုက်သော ဒဏ်ရာသို့ လိမ်းပေးသော် အဆိပ် ပြေ၏။
၆။ သင်္ဘောသီး နုနုကို ဆားနှင့် တို့စားက ဆုံဆို့နာ ပျောက်၏။
► အစေ့အသုံးပြုပုံ
၁။ သင်္ဘောသီး အစေ့ အရေအတွက်ကို အရွယ်နှင့် ချင့်၍ စားသော် ၀မ်းတွင်းရှိ သန်များ ကျ၏။  
► အစေးအသုံးပြုပုံ
၁။ သင်္ဘောသီး စိမ်းမှ ထွက်သော အစေးဖြင့် ယားနာ၊ ပွေးနာနှင့် အရေပြား ရောဂါများ ကို လိမ်းပေးက ပျောက်၏။
၂။ အနာ အဖုများနှင့် လူပျိုနာ ကြောင့်ဖြစ်သော အနာများကို သင်္ဘောသီးစေး လိမ်းပေးက ပျောက်၏။
၃။ လူလတ် အရွယ်များ အစေး အနည်းငယ်မျှကို နွားနို့၊ သကြားခဲ ရရာနှင့် စားသော် အစာ မကြေ ရောဂါ ပျောက်၏။
၎။ အစေးကို ထန်းလျက်နှင့် နယ်စားသော် သန်ကျ၏။  
၅။ အစေးကို ခန္ဓာကိုယ် အရပ်ရပ်ရှိ အရိုး အခြင် ကြွက်သား စသည့် အစိတ် အပိုင်းများကို ပြုပြင် ရန်နှင့် အစာအိမ် အူသိမ် တို့၏ အတွင်းဆုံး အသားမျှင်များ ပျက်စီး ချွတ်ယွင်းသည့် အနာ အဆာကြောင့် ဖြစ်သော ဗိုက်နာ၊ အူနာ စသော ရောဂါများ ပျောက်ကင်း စေရန် အကောင်းဆုံး ဆေးအဖြစ် သုံးနိုင်သည်။  
►အရွက်အသုံးပြုပုံ 
၁။ သင်္ဘောရွက် ကြိတ်ညှစ်ရည်တွင် ဘိန်းအနည်းငယ် ရောလိမ်းသော် အကြောတက်ခြင်း ပျောက်၏။  
၂။ သကျည်း ကိုက်သော် သင်္ဘောရွက်ကို ရေနွေးဖြော၍ သို့မဟုတ် မီးကင်၍ ကပ်ပေးသော် ပျောက်၏။  
၃။အရွက်ကို မီးအုံ၍ တို့စားခြင်း၊ လက်ဖက်ထဲ ထည့်စားခြင်း ဖြင့် နားအူ လေထွက် ရောဂါ ပျောက်၏။